Vefsala

Nýjaland – Heilsustofa og heilunarskóli  hefur nú opnað nýjan vef í samstarfi við Vefsala.com.

Nýjaland býður upp á fjölbreytilega meðferð og heildrænar lausnir fyrir þá sem leita til þeirra. Nýjaland leggur mikla áherslu á að þeir sem starfa í Nýjalandi séu með góða menntun og mikinn metnað um að ná sem bestum árangri í sínu starfi.

Nyjaland.is

Nyjaland.is vefnum er ætlað að gefa skjólstæðingum upplýsingar um blómadropa, heilun og höfuðbeina- og spjaldhryggsmeðferð ásamt upplýsingum fyrir þá sem vilja læra meira um þessi mál.

Markmiðið með hönnuninni var að gera einfaldan vef sem gefur góðar upplýsingar og skapar ró og frið í anda orðanna “Gleði – Friður – Hamingja”.

Á vefinn munu koma fréttir af mikilvægum atriðum sem tengjast heilun og heilsueflingu. Til þess að fylgjast með þeim viljum við hvetja þig til að heimsækja vefinn reglulega og gerast vinur þeirra á Facebook.

Er ekki rétt að rifja aðeins upp sögu þessa vinsæla stýrikerfis sem nú er að koma út með nýja útgáfu?

Þetta vekur óneitanlega blendnar tilfinningar – smá nostalgíu jafnvel

Sumar útgáfurnar af Windows stýrikerfinu voru gríðarmikil framfaraskref og aðrar hreint hræðilegar (t.d. BOB) og “bláskjár dauðans” kom óþarflega oft upp.

Nýjasta útgáfan er Microsoft Windows 7

Microsoft menn eru stoltir af Windows 7 og treysta því að það sé það besta frá upphafi. Þeir eru víst búnir að læra af Windows Vista sem náði eiginlega aldrei neinni útbreiðslu.

Undanfarin ár hefur sterkasta vígi Microsoft verið stýrikerfið Windows.

Nú hefur Google lýst yfir að þeir ætli að bjóða stýrikerfi fyrir einkatölvur. Stýrikerfið nefna þeir Google Chrome OS og vísa þar í Chrome vafrann sem náð hefur miklum vinsældum. Stýrikerfið verður þannig byggt á vafranum og fellur vel inn í alla flóru kerfa sem Google hefur verið að þróa og byggja á veftækni.

Það er augljóslega markmið Google að ráðast nú að höfuðvígi Microsoft með skýrari heildarsýn á framtíðina. Framtíð sem byggir á ódýrum aðgangi að Internetinu og sítengingu hvar og hvenær sem er. Og líka framtíð sem byggir á ódýrum og litlum tækjum sem hægt er að nota til að vafra um netheima og eiga samskipti við vini og samstarfsmenn.

Myndin er að skýrar og hvert sem litið er getur þú nú notað kerfi frá Google:

• Google Chrome til að vafra um netið á Windows, Linux eða Mac vélum
• YouTube til að skoða og deila myndböndum
• Picasa til að skoða og deila myndum
• GMail fyrir allan tölvupóst
• Google Reader til að fylgjast með fréttum og bloggi
• Google Docs fyrir ritvinnslu, töflureikni og kynningar

Að sjálfsögðu tengir Google líka framtíðarstýrikerfið við Google Friend Connect sem gerir það mun öflugra en Facebook, Twitter og önnur félagsnetverk.

Nú verður fróðlegt að sjá hvort og hvernig Microsoft ætlar að bregast við…

Hvað heldur þú?

Hvernig fer frumkvöðull að því að fá aðra til að fylkja sér á bak við hugmynd?

Jú – hann byrjar “hreyfingu”…

Í þessu myndbandi er frumkvöðullinn í fyrstu einn og einmana að dansa trylltan dans. Fljótlega bætist einn í viðbót við. Þegar sá þriðji kemur í hópinn verður SPRENGING – allir hópast að og taka þátt.

Þessir þrír fyrstu gegna mikilvægasta hlutverkinu. Fyrsti með því að sýna þolinmæði og halda áfram þó það geti verið vandræðalegt. Annar með því að sýna samstöðu. Sá þriðji gegnir greinilega því hlutverki að koma örðum til að sjá þetta sem hópathöfn sem gaman er að taka þátt í.

Myndbandið sýnir líka hvernig vírusar virka smitandi (ekki þessir líffræðilegu – heldur félagslegu).

Lærdómur: Haltu áfram að dansa!

Seth Godin upp á sitt besta. Seth sýnir hvernig vefurinn er að breyta markaðssetningu frá massa markaðssetningu yfir í meiri áherslu á mannlega þáttinn. Fólk kemur saman og býr til hópa í kring um ákveðnar hugmyndir og gildi og er leitt áfram af leiðtoga. Þessar nýju félagseiningar eru sem bergmál fortíðar sem við þekkjum sem ættbálka.

Seth hvetur okkur til að fá hugmynd sem er þess virði og koma af stað hreyfingu. Þú getur leitt hreyfingu og fengið venjulegt fólk til að fylga henni og í sameiningu getið þið stuðlað að miklum breytingum.

Í nýjasta blaði Viðskiptablaðsins er viðtal við Þránd Arnþórsson, tæknistjóra Expert og framkvæmdastjóra Álfatungls.

Viðskiptablaðið 30. apríl 2009:

Sprotafyrirtæki: Expert og Álfatungl í einum og sama manninum

Þrándur Arnþórsson hefur unnið að uppbyggingu tveggja fyrirtækja sem vinna markaðsstarf sitt í gegnum netið þótt starfsemi þeirra sé að öðru leiti ólík.

SIGURÐUR MÁR JÓNSSON
siggi@vb.is

Þrátt fyrir að vefir séu snar þáttur af íslensku viðskiptalífi þá er ekki algengt að menn reyni fyrir sér erlendis með sérhæfða vefi. Á því eru þó undantekningar. Fyrirtækið Álfatungl ehf. á og rekur nokkra vefi sem eru byggðir upp með það fyrir augum að þeir nái markaðshlutdeild á alþjóðlegum markaði. Að sögn Þrándar Arnþórssonar, framkvæmdastjóra félagsins,  hefur gengið býsna vel að byggja þá upp og ná athygli erlendis.  Stærsti vefurinn er 4×4OffRoads.com sem Þrándur segir að fái 10 til 12 þúsund gesti á dag. Vefsala.com er íslenski hlutinn af starfseminni og ætlað að gefa góð ráð um skynsamlega notkun vefsins sem markaðstækis, segir Þrándur. Allar tekjur vefjanna koma erlendis frá en auglýsingar frá Google AdSense og eBay eru þar stærsti þátturinn segir Þrándur. En hver er ávinningurinn af því að hafa alþjóðlega vefi á Íslandi?

“Ávinningurinn er kannski mestur í að nýta sér hraðan vöxt vefsins, sem stækkar ört þrátt fyrir alheimskreppu. Þarna eru tækifæri fyrir fólk sem vill prófa nýjar leiðir og skapa sér tekjur með örlítið öðruvísi hugsun og framkvæmd. Mér finnst þróunin vera mjög spennandi og gaman að taka þátt í þessu,” segir Þrándur.

Opin nýsköpun

En Þrándur er með fleira í gangi um þessar mundir. Hann hefur ásamt tveimur öðrum sérfræðingum unnið að stofnun sprotafyrirtækisins Expert ehf. (expert.is). Fyrirtækið býður heildræna hugbúnaðarþróun, verkefnastjórnun og stjórnun verkefnastofna, fjármála- og áhættugreiningu, viðskiptagreiningu og endurhönnun viðskiptaferla. “Expert byggir á hugmyndum um opna nýsköpun, þar sem sérfræðingar eru ráðnir til ákveðinna afmarkaðra verkefna, en eru ekki fastir í einu fyrirtæki til lengri tíma,” sagði  Þrándur. Með honum í verkefninu eru Kjartan Bergsson og Tamara Roesel sem eru bæði verkfræðingar og störfuðu áður í verkefnastjórnun hjá Kaupþingi.

Skoða erlend útboð

“Við skiptum með okkur verkum og hefur Kjartan verið framkvæmdastjóri, Tamara fjármálastjóri og ég tæknistjóri. Við leggjum áherslu á að funda reglulega og móta næstu skref. Við höfum notað tengslanetið og vefinn okkar ásamt LinkedIn til að fá sérfræðinga til að skrá sig hjá okkur auk þess sem við reynum að nota Internetið við að kynna fyrirtækið fyrir mögulegum viðskiptavinum.”

Að sögn Þrándar hefur Expert verið í samvinnu við VJI verkfræðistofu við að bjóða í verk erlendis á vegum aðila eins og Alþjóðabankanns, Sameinuðu þjóðanna auk verkefna á Evrópska efnahagssvæðinu. Auk þess eru allar aðrar leiðir við verkefnaöflun skoðaðar. “Það hefur gengið rólega að stækka viðskiptavinahópinn, en þó eru nokkur verkefni í gangi hér innanlands.”

Að lesa blogg er góð skemmtun.

Að skrifa góðan blogpóst á líka að vera góð skemmtun.

Nokkrir punktar sem gott er að hafa í huga:

• Búa til áhugaverðan titil. Getur verið gott að nota spurningu eða annað sem hvetur fólk til að lesa lengra.
• Skrifa meginefnið eins og þú sért að ræða við gamlan vin (svipað og þegar þú skrifar tölvupóst).
• Ágætt að brjóta textann upp með myndum, greinarskilum og atriðapunktum. Gerir textann þægilegri aflestrar á skjá.
• Nota flokkun (category) og setja hvern póst í viðeigandi flokk (má vera fleiri en einn)
• Ef þú ert að afrita texta úr t.d. Word,pósti eða beint af vef getur komið allskonar format dót með. Til að losna við það getur þú yfirleitt skipt yfir í HTML og skeytt því inn þar eða nota Notepad sem millistig.
• Muna eftir að seta orð í orðaskýið (Tag) – eitt til fimm orð fyrir hvern póst. Ef þú ert að skrifa um bankahrunið gætir þú t.d. sett inn: bankahrun,Kaupþing,útrásarvíkingar. Þannig byggist upp flott orðaský um helstu málin…
• Til að fá fólk til að tjá sig er líka gott að biðja um athugasemdir í lok póstsins, t.d. með spurningu eins og hér að neðan.

Að lokum er gott að hafa í huga að því meira sem þú skrifar, því léttara verður það og textinn læsilegri. Ekki hafa of miklar áhyggjur í upphafi af því að þurfa alltaf að segja eitthvað stórkostlega merkilegt.

Með því að skrifa um frétt sem þér finnst áhugaverð eða bloggpóst sem er athugunar virði og gefa þitt sjónarhorn er oft kominn ágætis póstur.

Hvað finnst þér?

Mér hefur fundist kostnaður við að hýsa .is lén á Íslandi vera óþarflega mikill.  Hýsing hjá erlendum stórum hýsingaraðilum hefur stöðugt orðið ódýrari. Til þess að nýta sér þessa ódýrari sleppa með ódýrari hýsing á .is vef getur þú notað aðferðina sem hér er lýst.

Kaup á .is léni

Eina leiðin til að kaupa lén með .is endingu er að kaupa frá ISNIC sem sér um öll lénamál fyrir Ísland. Verðið hefur aðeins verið að lækka og er nú 7.918 krónur með VSK.

ISNIC - Nýtt lén

• Opnaðu ISNIC
• Byrjaðu á því að stofna þig sem “tengilið” með því að velja Tengiliðir/Nýskráning. Þar velur þú lykilorð og færð úthlutuðu svokölluðu NIC-auðkenni
• Veldu síðan Lén/Nýskráning og skráir inn nafn lénsins sem þú ætlar að nota með .is endingu (sleppa www)
• Stilltu vistunaraðila léns á 1984.is. Þá eru nafnaþjónar (DNS þjónar) sjálfkrafa settir

Ódýr vefhýsing

BlueHost er einn af þeim erlendu hýsingaraðilum sem geta hýst Íslensk lén og gert það mjög ódýrt, þar sem hægt er að hýsa ótakmarkaðan fjölda léna fyrir eitt lágt gjald (nú USD 6,95 á mánuði). Ég hef notað hýsingu hjá þeim lengi og gengið mjög vel, góður uppitími og þjónusta þegar á þarf að halda sem er ekki oft.

Ódýr vefhýsing

• Opnaðu BlueHost
• Smelltu á Sign Up Now… og fylgdu leiðbeiningum

Velja heiti á .com vef

Í upphafi getur þú valið .com lén sem fylgir með áskriftinni. Þar getur þú valið hvað sem er, t.d. nafnið þitt eða annað sniðugt sem þér dettur í hug

BlueHost - cPanel

BlueHost gefur þér nú aðgang að umsjónarviðmótinu cPanel sem lítur svona út. Þar eru ýmsar upplýsingar um hýsinguna í dálki vinstra megin og aðgangur að uppsetningu og umsjónarkerfum í grúppum í megindálki.

IP tala vefhýsingarinnar

Neðst í vinstri dálki getur þú séð IP töluna sem vefurinn þinn starfar á (Shared Ip Address). Skrifaðu þessa tölu niður.

Ókeypis DNS

Margir hýsingaraðilar rukka fyrir hýsingu á DNS þjónum. Þar er frábær undantekning 1984.is sem býður frítt DNS.

Ókeypis DNS frá 1984.is

• Opnaðu 1984.is
• Smelltu á “Nýskráning” efst í hægra horni og veldu þér notendanafn og lykilorð
• Veldu “FreeDNS” á valmyndinni og skráðu þig inn
• Undir FreeDNS velja “Bæta við léni”
• Þá getur þú slegið inn nafnið á léninu og IP-tölu frá hýsingaraðila

Bæta léni í hýsingu

Nú er bara eftir að bæta léninu við hjá BlueHost.

• Smelltu á “Domain Manager” í cPanel (sést á myndinni að ofan)

Bæta við léni í hýsingu

• Smelltu nú á “Add Domain” hnappinn til hægri á skjánum.

Skrá upplýsingar um .is lénið

Að lokum þarftu að skrá nafn lénsins í þetta form. Í þessu dæmi heitir nýi vefurinn “felagi.is”. Í skrefi 2 (Step 2: Verify Ownership) er nú sjálfkrafa leitað að DNS stillingum og gæti verið að þú þurfir að prófa aftur síðar ef það kemur ekki staðfesting strax.

Athugaðu að DNS breytingar geta tekið allt að sólarhring, þó oftast sé það styttri tími.

Vona að þessar leiðbeiningar komi að gagni við að gera vefhýsinguna þína ódýrari.

Þrándur

Hvort sem maður ætlar að smíða hús eða búa til vef er nauðsynlegt að hafa skýr markmið til að vinna að.

Gott er að móta stefnuna upp í ákveðnum skrefum:

1. Megingildi - Hvaða þrjú lykilatriði eiga að mynda grunninn að framtíðarsýn okkar?
2. Hlutverk - Hvert er hlutverk vefsins? Hverjum þjónar hann?
3. Framtíðarsýn - Hvernig lítur vefurinn út eftir eitt ár eða fimm ár?
4. SVÓT - Styrkleikar – Veikleikar – Ógnanir og Tækifæri – Þarf ekki að vera svo flókið að taka saman nokkra punkta um hvern lið.
5. Mælanleg markmið - Setja fram nokkur atriði sem hægt er að mæla. Hversu margir heimsækja vefinn á hverjum degi? Hversu margar heimsóknir skila sér í sölu, áskrift eða öðru sem við viljum ná fram?

Hér er ágætis myndband um hvernig rétt er að nota LinkedIn til að efla tengslanetið (þarft reyndar að skrá þig til að skoða).

Chris Muccio frá LinkToProsper.com segir okkur frá nokkrum atriðum:

• 15 mínútur á dag
• Hvaða árangri vil ég ná fram?
• Byggja “vörumerkið” mitt – hvað get ég? hvað stend ég fyrir?
• Nota LinkedIn skráninguna (profile), LinkedIn Answers, LinkedIn Groups – bæði á vefnum og í raunverulega heiminum
• Fara vel yfir skráninguna mína og nýta alla möguleika vel, m.a. með tengingum á vefina mína og stefna að 100%
• Byggja upp tengslanetið
• Framkvæma!

Við hjá Expert.is erum stöðugt að leita að sérfræðingum og þú getur skráð þig í hópinn hér:

Expert.is – LinkedIn hópurinn

Getur líka skoðað skráninguna mína hér:

http://www.linkedin.com/in/thrandur4×4