Nýjaland býður upp á fjölbreytilega meðferð og heildrænar lausnir fyrir þá sem leita til þeirra. Nýjaland leggur mikla áherslu á að þeir sem starfa í Nýjalandi séu með góða menntun og mikinn metnað um að ná sem bestum árangri í sínu starfi.

Nyjaland.is

Nyjaland.is vefnum er ætlað að gefa skjólstæðingum upplýsingar um blómadropa, heilun og höfuðbeina- og spjaldhryggsmeðferð ásamt upplýsingum fyrir þá sem vilja læra meira um þessi mál.

Markmiðið með hönnuninni var að gera einfaldan vef sem gefur góðar upplýsingar og skapar ró og frið í anda orðanna “Gleði – Friður – Hamingja”.

Á vefinn munu koma fréttir af mikilvægum atriðum sem tengjast heilun og heilsueflingu. Til þess að fylgjast með þeim viljum við hvetja þig til að heimsækja vefinn reglulega og gerast vinur þeirra á Facebook.

Nú hefur Google lýst yfir að þeir ætli að bjóða stýrikerfi fyrir einkatölvur. Stýrikerfið nefna þeir Google Chrome OS og vísa þar í Chrome vafrann sem náð hefur miklum vinsældum. Stýrikerfið verður þannig byggt á vafranum og fellur vel inn í alla flóru kerfa sem Google hefur verið að þróa og byggja á veftækni.

Það er augljóslega markmið Google að ráðast nú að höfuðvígi Microsoft með skýrari heildarsýn á framtíðina. Framtíð sem byggir á ódýrum aðgangi að Internetinu og sítengingu hvar og hvenær sem er. Og líka framtíð sem byggir á ódýrum og litlum tækjum sem hægt er að nota til að vafra um netheima og eiga samskipti við vini og samstarfsmenn.

Myndin er að skýrar og hvert sem litið er getur þú nú notað kerfi frá Google:

• Google Chrome til að vafra um netið á Windows, Linux eða Mac vélum
• YouTube til að skoða og deila myndböndum
• Picasa til að skoða og deila myndum
• GMail fyrir allan tölvupóst
• Google Reader til að fylgjast með fréttum og bloggi
• Google Docs fyrir ritvinnslu, töflureikni og kynningar

Að sjálfsögðu tengir Google líka framtíðarstýrikerfið við Google Friend Connect sem gerir það mun öflugra en Facebook, Twitter og önnur félagsnetverk.

Nú verður fróðlegt að sjá hvort og hvernig Microsoft ætlar að bregast við…

Hvað heldur þú?

Að skrifa góðan blogpóst á líka að vera góð skemmtun.

Nokkrir punktar sem gott er að hafa í huga:

• Búa til áhugaverðan titil. Getur verið gott að nota spurningu eða annað sem hvetur fólk til að lesa lengra.
• Skrifa meginefnið eins og þú sért að ræða við gamlan vin (svipað og þegar þú skrifar tölvupóst).
• Ágætt að brjóta textann upp með myndum, greinarskilum og atriðapunktum. Gerir textann þægilegri aflestrar á skjá.
• Nota flokkun (category) og setja hvern póst í viðeigandi flokk (má vera fleiri en einn)
• Ef þú ert að afrita texta úr t.d. Word,pósti eða beint af vef getur komið allskonar format dót með. Til að losna við það getur þú yfirleitt skipt yfir í HTML og skeytt því inn þar eða nota Notepad sem millistig.
• Muna eftir að seta orð í orðaskýið (Tag) – eitt til fimm orð fyrir hvern póst. Ef þú ert að skrifa um bankahrunið gætir þú t.d. sett inn: bankahrun,Kaupþing,útrásarvíkingar. Þannig byggist upp flott orðaský um helstu málin…
• Til að fá fólk til að tjá sig er líka gott að biðja um athugasemdir í lok póstsins, t.d. með spurningu eins og hér að neðan.

Að lokum er gott að hafa í huga að því meira sem þú skrifar, því léttara verður það og textinn læsilegri. Ekki hafa of miklar áhyggjur í upphafi af því að þurfa alltaf að segja eitthvað stórkostlega merkilegt.

Með því að skrifa um frétt sem þér finnst áhugaverð eða bloggpóst sem er athugunar virði og gefa þitt sjónarhorn er oft kominn ágætis póstur.

Hvað finnst þér?

Kaup á .is léni

Eina leiðin til að kaupa lén með .is endingu er að kaupa frá ISNIC sem sér um öll lénamál fyrir Ísland. Verðið hefur aðeins verið að lækka og er nú 7.918 krónur með VSK.

ISNIC - Nýtt lén

• Opnaðu ISNIC
• Byrjaðu á því að stofna þig sem “tengilið” með því að velja Tengiliðir/Nýskráning. Þar velur þú lykilorð og færð úthlutuðu svokölluðu NIC-auðkenni
• Veldu síðan Lén/Nýskráning og skráir inn nafn lénsins sem þú ætlar að nota með .is endingu (sleppa www)
• Stilltu vistunaraðila léns á 1984.is. Þá eru nafnaþjónar (DNS þjónar) sjálfkrafa settir

Ódýr vefhýsing

BlueHost er einn af þeim erlendu hýsingaraðilum sem geta hýst Íslensk lén og gert það mjög ódýrt, þar sem hægt er að hýsa ótakmarkaðan fjölda léna fyrir eitt lágt gjald (nú USD 6,95 á mánuði). Ég hef notað hýsingu hjá þeim lengi og gengið mjög vel, góður uppitími og þjónusta þegar á þarf að halda sem er ekki oft.

Ódýr vefhýsing

• Opnaðu BlueHost
• Smelltu á Sign Up Now… og fylgdu leiðbeiningum

Velja heiti á .com vef

Í upphafi getur þú valið .com lén sem fylgir með áskriftinni. Þar getur þú valið hvað sem er, t.d. nafnið þitt eða annað sniðugt sem þér dettur í hug

BlueHost - cPanel

BlueHost gefur þér nú aðgang að umsjónarviðmótinu cPanel sem lítur svona út. Þar eru ýmsar upplýsingar um hýsinguna í dálki vinstra megin og aðgangur að uppsetningu og umsjónarkerfum í grúppum í megindálki.

IP tala vefhýsingarinnar

Neðst í vinstri dálki getur þú séð IP töluna sem vefurinn þinn starfar á (Shared Ip Address). Skrifaðu þessa tölu niður.

Ókeypis DNS

Margir hýsingaraðilar rukka fyrir hýsingu á DNS þjónum. Þar er frábær undantekning 1984.is sem býður frítt DNS.

Ókeypis DNS frá 1984.is

• Opnaðu 1984.is
• Smelltu á “Nýskráning” efst í hægra horni og veldu þér notendanafn og lykilorð
• Veldu “FreeDNS” á valmyndinni og skráðu þig inn
• Undir FreeDNS velja “Bæta við léni”
• Þá getur þú slegið inn nafnið á léninu og IP-tölu frá hýsingaraðila

Bæta léni í hýsingu

Nú er bara eftir að bæta léninu við hjá BlueHost.

• Smelltu á “Domain Manager” í cPanel (sést á myndinni að ofan)

Bæta við léni í hýsingu

• Smelltu nú á “Add Domain” hnappinn til hægri á skjánum.

Skrá upplýsingar um .is lénið

Að lokum þarftu að skrá nafn lénsins í þetta form. Í þessu dæmi heitir nýi vefurinn “felagi.is”. Í skrefi 2 (Step 2: Verify Ownership) er nú sjálfkrafa leitað að DNS stillingum og gæti verið að þú þurfir að prófa aftur síðar ef það kemur ekki staðfesting strax.

Athugaðu að DNS breytingar geta tekið allt að sólarhring, þó oftast sé það styttri tími.

Vona að þessar leiðbeiningar komi að gagni við að gera vefhýsinguna þína ódýrari.

Þrándur

Iceland Vacation

Við höfum nú nýlega opnað vef sem er ætlað að markaðssetja Ísland og ferðamöguleika hingað fyrir erlendan markað. IcelandVacation.is er ætlað að aðstoða ferðalanga við að skipuleggja skemmtilegar og áhugaverðar ferðir. Vefurinn er ríkulega búinn myndum og greinum um hvernig best er að verja tíma sínum á ferð um landið.

Vefurinn er á ensku.

Vacation Iceland

Explore Iceland

Iceland is is your year round destination of choice. Iceland is not only a place for festivities and fun, but also a place where the whole family can engage in a multitude of outdoor activities or relax in a cozy vacation home, enjoy wast views, hot tubs, the winters northern lights or the endless days of summer.Vacation rentals

Plan your stay with Iceland Vacation, we provide quality vacation rentals all over Iceland to suit relaxing couples, families and even the most ardent of adventurers, all year round.

Vefurinn IcelandVacation.is er settur upp sem WordPress blogg og notar atahualpa útlitsþemað.

expert.is

Við Kjartan Bergsson erum farnir af stað með nýtt fyrirtæki sem heitir expert.is

Þetta er hugbúnaðarfyrirtæki sem tekur að sér stærri verkefni á Evrópska efnahagssvæðinu. Við erum nú að leita að sérfræðingum á öllum sviðum hugbúnaðargerðar og teljum að þetta sé gott tækifæri til að víkka starfssvið og þekkingu sérfræðinga um leið og íslensk hugbúnaðargerð er kynnt erlendis.

Ávinningur sérfræðinga

Með því að skrá þig hjá expert.is fæst margvíslegur ávinningur

• expert.is sérfræðingar halda fullu sjálfstæði og þurfa ekki að stimpla sig inn hjá einhverju fyrirtæki.
• Þú tekur þátt í verkefnavinnu sem hluti verkefnateymis. Verkefnin eru samningsbundin og með ákveðnum upphafs og lokadagsetningum. Sem sérfræðingur gerir þú verktakasamning við expert.is
• expert.is er tryggur bakhjarl og leitast við að selja/útvega sem fjölbreyttust verkefni
• expert.is gerir þér kleyft að nýta og markaðssetja þekkingu þína. Verkefnavinna expert.is er einnig  gríðarlega öflug leið til að koma þekkingu og getu þinni á  framfæri
• Með skráningu hjá expert.is aukast líkur á að þú fáir tækifæri til að vinna að verkefnum við hæfi og um leið auka við þekkingu þína og getu

Skráðu þig sem sérfræðing á expert.is

Nyskopun.org er svona grasrótarhópur sem vill leiða saman áhugasama einstaklinga til þess að búa til eitthvað nýtt.

Þessi vefur er opinn vettvangur fyrir hugmyndir, upplýsingar og umræður um nýsköpun.

Þátttaka í umræðum og uppbyggingu efnis á vefnum er öllum opin, en að sama skapi tryggt að að honum komi áhrifa- og hagsmunaaðilar þannig að sú umræða og uppbygging skili árangri.

Vefnum er m.a. ætlað að kortleggja núverandi umhverfi til nýsköpunar og hvað betur mætti fara. Til þessa umhverfis teljast m.a. landslög, sjóðir, sprotafyrirtæki, frumkvöðlar, samtök aðila, stjórnvöld, ýmsar stofnanir, háskólar, fjárfestar, starfsfólk, samtök vinnuveitenda og launþega, lífeyrissjóðir, ofl.

Vefurinn mun einnig safna upplýsingum um aðferðir og árangur annarra landa í því að bæta umhverfi til nýsköpunar.

Í tengslum við vefinn er jafnframt rekið tengslanet, þar sem einstaklingar, frumkvöðlar, fyrirtæki, fjárfestar og stofnanir geta komið sér og aðkomu sinni á framfæri og stuðlað þannig að uppbyggilegri tengslamyndun.

Á vefnum er nú þegar að finna ýmislegt gagnlegt og m.a. lista yfir sprotafyrirtæki.

Ég geri mér vonir um að þekking sem Álfatungl býr yfir geti nýst til að aðstoða önnur sportafyrirtæki sem vilja sækja á erlendan markað annaðhvort sem verkefni eða með því að taka þátt í hugmynd frá fæðingu.

Ég vil hvetja þá sem telja sig hafa eitthvað til þessara mála að leggja að skrá sig á tengslanetið og nyskopun.org – frábært framtak!

Ég er sannfærður um að nú er enn meiri þörf á námskeiði eins og þessu. Við höfum mikla þörf fyrir að byggja upp raunverulega útrás þar sem hægt er að breyta hugmyndum í markaðssetta vöru á alþjóðlegum markaði. Námskeið eins og þetta getur hjálpað mörgum einstaklingum sem hafa hugmyndir en vita ekki alveg hvernig hægt er að koma þeim á framfæri.

Sala á vöru og þjónustu til erlendra kaupenda skapar gjaldeyri sem ekki er vanþörf á á þessum tíma.

Vefsala.com býður nú ótrúlega hagstæð tilboð um hönnun og smíði á heimasíðu sem nær raunverulegum og mælanlegum árangri.

Kynntu þér hvernig heimasíða getur hjálpað þér:

Heimasíða – Hvað þarf að hafa í huga?

Alexa.com er virt fyrir nokkuð góða mælingu á vefum um allan heim. Hér tek ég saman efstu 10 vefi skv. teljari.is og ber þá saman við 4×4OffRoads.com

Raðað er í röð eftir raðnúmeri, þ.e. vinsælustu vefirnir eru efstir.

“Rank” er raðnúmer vefs af öllum vefum á Internetinu.

“Links in” er fjöldi vísana á vefinn.

Það sem er kannski skemmtilegast við þessar tölur er að allir þessir íslensku vefir eru með fjölda starfsmanna sem vinna við að setja inn efni og mikil vinna og peningar eru lagðir í vefina.

4×4OffRoads.com er hins vegar nánast eingöngu eins manns verk! Ekki mikið til að skammast sín fyrir