Heimasíða?
Heimasíðan þín á vefnum er einhver ódýrasta aðferðin sem þú getur notað til að koma þér og fyrirtækinu þínu á framfæri. Kosturinn við heimasíðu umfram t.d. prentaðan bækling er að auðvelt er að breyta og bæta við nýjungum fyrir nú utan að prentkostnaður er enginn.
Ótrúlega mörg fyrirtæki eru með heimasíðu – þar sem aðeins er að finna grunnupplýsingar um fyrirtækið og þjónustuna sem allt eins má nálgast í símaskránni eða á nafnspjaldi. Það er náttúrulega gott og blessað – en vandamálið er yfirleitt að innihald vefsins er rýrt og leitarvélar finna ekki heimasíðuna þegar á þarf að halda.
Orðið “heimasíða” er reyndar svolítið villandi því yfirleitt er átt við vef með fleiri en einni síðu.
Stóru fyrirtækin eyða oft miklum peningum í uppbyggingu á vef sínum. Því miður er árangurinn mældur í heimsóknum oft á tíðum ekki eins góður og vonast var til.
Góð heimasíða þarf að sameina snyrtilegt útlit, gott aðgengi upplýsinga og leiða tilvonandi viðskiptavinum í sjónir að hér sé hann í góðum höndum.
Vefir okkar
Vefsala.com hefur mikla reynslu í að ná árangri í öllum þessum þáttum. Taktu tíma í að skoða vefi sem við höfum gert. Vinsælasti vefurinn er án efa 4×4OffRoads.com. Hátt í 10.000 gestir koma á þann vef að meðaltali á hverjum degi!
Það er lykilatriði til að vefurinn nái árangri og þjóni sem tæki til markaðssetningar að unnið sé markvisst að skipulagi og efni vefsins. Jafnframt þarf að hafa í huga að stöðugt þarf að setja inn nýtt efni og uppfæra og laga það sem þarf.
Raunveruleikinn og vefurinn
Ef þú ætlar að hefja viðskipti í raunveruleikanum eru það þrjú atriði sem skipta mestu máli:
Staðsetning, staðsetning, staðsetning…
…Það er lykilatriði að vera aðgengilegur fyrir sem flesta viðskiptavini. Það er engin tilviljun að flestar búðir í Reykjavík eru staðsettar í miðbænum.
Í vefheimum er þessu svolítið öðruvísi farið, þar eru það önnur þrjú atriði sem skipta mestu:
Upplýsingar, upplýsingar og upplýsingar…
…fólk notar nefnilega vefinn til að leita að upplýsingum. Þeir sem gefa réttar og góðar upplýsingar fá gesti í heimsókn sem síðar geta ákveðið að hefja viðskipti ef þeir eru ánægðir með það sem að þeim er rétt.
Hugmyndafræði vefsins
Til að skilja hvernig þetta þarf að virka er gott að skoða þessa mynd af nauðsynlegu ferli:
Frábært INNIHALD er grunnurinn sem allt þarf að byggja á.
UMFERÐ skapast í framhaldi af góðu efni (innihald) ásamt öflunar tengla og fleiri aðferðum.
KYNNING er í raun undirbúningur fyrir sölu. Veita viðskiptavinum gæða upplýsingar í vingjarnlegu umhverfi.
TEKJUMYNDUN er lokaskrefið og getur t.d. falist í sölu á vöru eða þjónustu.
Hvað vil ég gera við vef sem markaðstæki? – Ég vil að sjálfsögðu byggja upp fyrirtæki til lengri tíma. En verð að sjálfsögðu að hafa í huga að það tekur allt tíma, áhuga og þolinmæði.
Vefurinn getur verið gríðarlega öflugt markaðstæki. Aðalatriðið er að vefurinn þarf að byggja á gæðaupplýsingum – Flott útlit er EKKI nauðsynlegt – þó það sé ekki verra.
Til að búa til upplýsingar og skapa gæða innihald þá skrifa ég mikið af greinum frá eigin brjósti. Þannig verður vefurinn persónulegri og vingjarnlegri fyrir gesti. Lykilatriði er að vera heiðarlegur í öllu sem gert er á vefnum og koma fram undir eigin nafni. Helst þarf að “OVERdeliver-a” – eða gera mun betur en lesandinn á von á. Einnig þarf að muna eftir að halda sig við þema vefsins og vera ekki með greinar eða tengla sem tengjast efni vefsins lítið sem ekkert.
Gott er að safna tengingum frá öðrum vefum og er t.d. upplagt að taka þátt í spjallvefum og leggja þá eitthvað gáfulegt til mála. Eins er upplagt að senda greinar í fjölmiðla. Fjölmiðlar hafa yfirleitt alltaf áhuga á góðu efni sem ekki hefur komið fyrir sjónir lesenda þeirra áður.
Heildarmyndin
Árangursríkur og velheppnaður vefur er eins og vel smurð vél þar sem umferð kemur frá leitarvélum og tenglum ásamt auglýsingum eins og Google AdWords.
Vefurinn þarf að byggja á þínum hugmyndum og áhuga þar sem þú kemur upplýsingum á framfæri og skapar kynni við lesandann. Fréttabréfið virkar sem regluleg áminning um að vefurinn sé til og eykur á upplýsinga- og tengslagildið.
Árangur vefsins er mögulegt að mæla með umferð auk beinnar sölu á vörum og þjónustu.
Heimasíða – Leitarvélar
Það er mikilvægt að vera sýnilegur í leitarvélum. Þá þarf að vera viss um að finnast fyrir ákveðin lykilorð sem tengjast efni vefsins og helst að komast í hóp tíu efstu niðurstaðna sem tryggir að þú sést á fyrstu síðu.
Hér er leitað að “art iceland” og vefurinn okkar Art-Iceland.com kemur upp í fyrsta sæti. Ef leitað er að “Íslensk list” kemur svipuð niðurstaða í ljós.
Leitarorð – Markaðsrannsóknir
Hægt er að framkvæma einfaldar markaðsrannsóknir á leitarorðum (stundum kölluð (“lykilorð”) sem leitað er að. Þá er fundið út framboð og eftirspurn og fundin leitarorð sem hafa lágt framboð en mikla eftirspurn. Þannig er hægt að velja efni sem skortur er á upplýsingum um.
Ef við skoðum t.d. framboð þegar leitað er að “art iceland” þá sýnir Google okkur þessar upplýsingar í hvert skipti sem leitað er:
Results 1 – 30 of about 12,700 for “art iceland”. (0.16 seconds)
Framboðið er því 12.700 síður á Internetinu sem fjalla um “art iceland”.
Til að skoða eftirspurn er t.d. hægt að nota þessa slóð:
http://inventory.overture.com/
Með því að slá inn “iceland” kemur svar um hversu oft var leitað í síðasta mánuði:
Hægt er að “grafa sig niður” með því að smella aftur á lykilorð sem birtist, t.d. “iceland air” – þá kemur upp listi með lykilorðum sem innihalda þau orð.
SiteBuildIt! – Tól og tæki
Ég var svo heppinn að rekast á tól sem hjálpaði mér að skilja hvernig vefurinn virkar sem markaðstæki og inniheldur þau tól og tæki sem þarf til að byggja árangursríkan vef.
- SiteBuildIt! byggir á þeirri hugmyndafræði sem hér er kynnt. Hugmyndafræðin sem skammstöfuð er á ensku C->T->P->M.
- Með “Action Guide” fær maður leiðbeiningar í texta og lifandi myndum – þar sem þú ert leiddur áfram skref fyrir skref í átt að skýru markmiði.
- SBI! inniheldur sérstakt hugarflugstæki til að rannsaka framboð og eftirspurn hundraða lykiorða og ákveða þema vefsins.
- Þegar tími er til kominn er síðan hægt að taka frá nýtt lén og vefurinn hýstur á öruggan máta.
- SBI! býður upp á fjölda mögulegra sniðmáta fyrir útlit auk þess sem hægt er að hanna eigin útlit með notkun hefðbundinna veftóla.
- Leiðbeiningar og hjálp við að skrifa innihaldið.
- Auðvelt er að búa til fréttabréf, safna áskrifendum og senda út.
- SBI! lætur sjálfkrafa leitarvélar vita hæfilega oft.
- Einnig er umræðuvefur til að spá og spekúlera um hvernig best er að markaðssetja vef.
Það er alltaf gaman að skoða mælanlegan árangur. Þó að 4×4OffRoads.com sé ekki í raun að keppa á íslenska markaðnum er hægt að bera saman umferð við stærstu íslensku vefina skv. Teljari.is.
Teljari.is
Tölur fyrir vikuna: 25.08.2008-31.08.2008
Eins og þú sérð væri 4×4OffRoads.com um það bil í sjöunda sæti yfir stærstu íslensku vefina. Þar sem vefurinn er ekki takmarkaður við innlendan markað eru ennþá gríðarlegir vaxtamöguleikar í framtíðinni.
Heimasíða – Markaðsvefur – Pakkalausn
Vefsala.com hefur hug á að aðstoða lítil og stór fyrirtæki við að koma sér á framfæri á vefnum. Í því skyni höfum við sett saman þrjár pakkalausnir sem þú getur valið úr:
Grunn pakkinn – 130.000:
- Búið til með SBI! eða WordPress
- Einfaldur vefur
- Lén .com eða .net eða .is fyrir WordPress
- Fyrirtækið, vörur/þjónusta, fréttir, hafa samband
- Staðlað HTML og CSS – einfalt og létt
- 10-25 síður af efni
- Verð tilboð 130.000 + VSK
- Þjónustugjald á mánuði 7.000 + VSK
- Dæmi: SigloSeigur.Net
Hagstæði pakkinn – 370.000:
- Búið til með SBI!
- Innihaldsríkur vefur
- Aðstoð við hugmyndavinnu efnis – lykilorð og skipulagning
- Hönnun á logo og útliti
- Uppsetning á fréttabréfi
- Lén .com eða .net
- Fyrirtækið, vörur/þjónusta, fréttir, hafa samband og fleiri liðir eftir því sem við á.
- Staðlað HTML og CSS – einfalt og létt
- Verð tilboð 370.000 + VSK
- Þjónustugjald á mánuði 17.000 + VSK
- Möguleiki á viðbótum – t.d. aukatungumál o.fl.
- Dæmi: Art-Iceland.com
SiteBuildIt! – USD 299:
- Búðu til þinn eiginn markaðsvef frá grunni.
- Öll tól sem þarf.
- Hægt að byggja vef án mikillar kunnáttu í tölvunotkun.
- Verð aðeins USD 299.
- Ábyrgð – Ef þú ákveður innan 30 daga að SBI henti þér ekki – færð þú endurgreitt að FULLU.
